| இசை : ஏ.ஆர்.ரகுமான் | பாடல் : வைரமுத்து |
| குரல்கள் : கே.ஜே.ஜேசுதாஸ் | வருடம் : 1996 |
பச்சைக் கிளிகள் தோளோடு
பாட்டுக் குயிலோ மடியோடு
பூலோகம் ஆனத்ததின் எல்லை – இந்த
பூமிக்குக் கண்ணீர் சொந்தம் இல்லை
( பச்சைக் கிளிகள்...
சின்னஞ்சிறு கூட்டுக்குள்ளே சொர்க்கம் இருக்கு - அட
சின்ன சின்ன அன்பில்தானே ஜீவன் இன்னும் இருக்கு
பட்டாம் பூச்சி கூட்டத்துக்குப் பட்டா எதுக்கு - அட
பாசம் மட்டும் போதும் கண்ணே
காசு பணம் என்னதுக்கு
( பச்சைக் கிளிகள்...
அந்த விண்ணில் ஆனந்தம்
இந்த மண்ணில் ஆனந்தம் - அடி
பூமிப் பந்தை முட்டி வந்த புல்லில் ஆனந்தம்
வெயிலின் சுத்தம் ஆனந்தம்
மழையின் சத்தம் ஆனந்தம் - அட
மழையில் கூடச் சாயம் போகா வானவில் ஆனந்தம்
வாழ்வில் நூறானந்தம்
வாழ்வே பேரானந்தம் பெண்ணே
நரை எழுதும் சுயசரிதம்
அதில் அன்பே ஆனந்தம் ஆனந்தம்!
( பச்சைக் கிளிகள்...
உன் மூச்சில் நான் வாழ்ந்தால்
என் முதுமை ஆனந்தம் - நீ
இன்னொரு பிறவி என்னை பெற்றால் இன்னும் ஆனந்தம்
பனி கொட்டும் மாதத்தில்
உன் வெப்பம் ஆனந்தம் - என்
காது வரைக்கும் கம்பளி போர்த்தும் கருணை ஆனந்தம்
சொந்தம் ஓர் ஆனந்தம்
பந்தம் பேரானந்தம்
கண்ணே உன் விழியால் பிறர்க்கழுதால்
கண்ணீரும் ஆனந்தம் ஆனந்தம்
( பச்சைக் கிளிகள்...
No comments:
Post a Comment